Франциядағы Нант қаласы көшелерімен биіктігі 13 метрлік өрмекші жүріп өтті (ВИДЕО)

АСТАНА. ҚазАқпарат - Өткен жұмада француздық Нант қаласының тұрғындары мен қонақтары алып өрмекші Кумоны тамашалады. Болат пен ағаштан жасалған механикалық арахниттің салмағы 37 тонна, биіктігі 13 метр.

«Нант аралының машиналары» (Les Machines de l'île) - танымал суретші Франсуа Деларозье мен Пьера Орефисоның шығармашылық жобалары.

Авторлардың айтуынша,  бұл  идея бір топ суретшілер, техниктер мен дизайнерлердің бірігіп өзгеше шоу жасау үшін ерекше механикалық  пішіндер жасауға келіскеннен кейін туған, деп жазады life.ru.