ФУТБОЛ: «Қайрат» «Алашкертпен» қарымта кездесу өткізеді

АСТАНА. ҚазАқпарат - Бүгін «Қайрат» футбол командасы Еуропа Лигасының екінші біліктілік кезеңінде еревандық «Алашкертпен» қарымта кездесу үшін Арменияға кетті, деп хабарлады sport.kz.

Бір апта бұрын өз алаңында алматылықтар қонақтар қақпасына 3 гол соққан болатын. «Алашкертпен» қарымта ойын Ереванда 23 шілдеде сағат 21:00-де өтеді. Өткен аптада Еуропа Лигасы үшінші біліктілік раундының жеребесі болды. «Алашкертпен» ойынды ойдағыдай аяқтаған жағдайда алматылықтар хорватиялық «Риекамен» немесе шотландиялық «Абердинмен» кездесетін болады. «Қайрат» ФК-ның құрамы: Қақпашылар: Владимир Плотников, Сергей Ткачук; Қорғаушылар: Тимур Рудосельский, Заурбек Плиев, Бруно Соарес, Марк Гурман, Жарко Маркович, Ермек Қуантаев, Исламбек Қуат; Жартылай қорғаушылар: Жамбыл Көкеев, Михаил Бакаев, Бауыржан Исламхан, Исаэл, Аслан Дарабаев, Виталий Ли, Сержиньо, Рифат Нұрмұхамет, Улан Қонысбаев, Анатолий Тимощук; Нападающие: Жерар Гоу, Сито Риера, Станислав Лунин, Джордже Деспотович, Тоқтар Жанғылышбай.