Футбол: «Қайрат» әзірге чемпион болып тұр

АСТАНА. ҚазАқпарат - Футболдан 2017 жылғы Қазақстан чемпионатының соңғы турының матчтары өтіп жатыр, деп хабарлайды «ҚазАқпарат» ХАА тілшісі.

Футбол жанкүйерлері асыға күткен соңғы 33-турдың орталық матчтары - Алматыда жергілікті «Қайрат» пен «Ақтөбе» және Астанада «Астана» мен«Ақжайық» (Орал) командаларының арасында  қыза түсті.

Бірінші таймнан соң «Астана» - «Ақжайық» матчында есеп ашылмады. Дәл қазір астаналықтар 77 ұпаймен екінші орында тұр.

Ал бірінші таймның аяқталуына 1 минут қалғанда алматылықтар сапында Сезар Арзо гол соғып, «Қайратты» алға алып шықты. 

Егер осы турда «Астана» ұпай жоғалтса, «Қайрат» чемпион атанып кетуі мүмкін.