Футболдан жастар құрамасы Еуропа чемпионатының іріктеу турындағы алғашқы кездесуін өткізу үшін Болгарияға аттанып кетті
АЛМАТЫ. Қыркүйектің 1-і. ҚазАқпарат /Ерлік Ержанұлы/ - Футболдан Қазақстанның жастар құрамасы 2011 жылғы Еуропа чемпионатының іріктеу турниріндегі алғашқы кездесуін өткізу үшін бүгін Болгарияға аттанып кетті,
деп хабарлайды ҚазАқпарат.
Ақпанның 4-інде өткен жеребе нәтижесі бойынша қазақстандықтар Израиль, Швеция, Болгария және Черногория құрамаларымен бірге 6-шы топта өнер көрсетпек. Самвел Костандяннан түлектері алғашқы кездесуін қыркүйектің 4-і күні Болгарияның Ловече қаласында өткізеді.
Ел намысын бұл жолы қақпашылардан: Андрей Запорощенко («Тобыл»), Никита Калмыков («Ертіс») пен Ильдар Шайхесламов («Ақтөбе»), ал қорғаушылардан: Алексей Макаров, Александр Шкот («Тобыл»), Талғат Адырбеков, Дамир Даутов ( «Локомотив»), Дмитрий Шомко («Ертіс»), Бақыт Әбуов («Атырау»), Максим Семенов («Ақтөбе»), Антон Молтусинов («Восток») қорғайды. Онда бапкерлер кеңесі сондай-ақ, жартылай қорғаушылардан: Сабырхан Ибраев, Вячеслав Сердюков («Тобыл»), Аслан Дарабаев, Руслан Кенетаев ( «Шахтер»), Марат Шахметов («Локомотив»), Тимур Досмағамбетов («Оқжетпес»), Захар Коробов («Жетісу») пен Павел Шабалинге («Ертіс»), шабуылшылардан: Хасан Абдукаримов («Ордабасы»), Ерзат Кенбаев («Жетісу») пен Сергей Шаффқа («Шахтер») үміт артып отыр.
