Ғаламторды пайдалану саласындағы ұзақ мерзімді ынтымақтастық туралы келісімге қол қойылды
АЛМАТЫ. Қыркүйектің 23-і. ҚазАқпарат - «Қазақтелеком» АҚ мен «Alem Communications Holding» ЖШС арасында Ғаламтор желілеріне қосылу үшін ұсынылатын арналар саласындағы ұзақ мерзімді стратегиялық ынтымақтастық туралы келісімге қол қойылды, деп хабарлайды АҚ-ның баспасөз қызметі.
Қол қойылған құжат аясында Alem Communications Holding өз абоненттерінің Ғаламтор желісін пайдалана алуы үшін ел аумағы бойынша «Қазақтелеком» компаниясының ғаламтор-арналарын пайдаланатын болады.
«Екі жаққа да тиімді әріптестік қарым-қатынастарды дамыту, қызмет сапасын арттыру мен олардың түрлерін кеңейту, технологиялық новигациялар мен таривтік саясат біздің компанияның маңызды бағыттары болып табылады», - деді «Қазақтелеком» АҚ бас коммерциялық директоры Асқар Есеркегенов.
Қазақстанның алдыңғы қатарлы операторымен ынтымақтастық орнату «Alem Communications Holding» ЖШС-на өз абонеттері үшін сапалы Ғаламтор қызметін ұсынуға мүмкіндік береді. «Біздің Қазақстанда кабельді және сымсыз Ғаламтор желілерін дамытуға қатысты үлкен жоспарларымыз бар. Біз ірі стратегиялық әріптеспен ынтымақтастықта болуға мүдделіміз», - деп мәлім етті «Alem Communications Holding» ЖШС бас атқарушы директоры Григори Григоров.
