Ғалымдар қатерлі ауруға қарсы вакцина егетін масаларды дүниеге әкелді
АСТАНА. Наурыздың 26-сы. ҚазАқпарат - Жапондық ғалымдар вакцина егудің жаңа тәсілін ойлап тапты. Гендік инженерия әдістерімен олар, сілекейлерінде құм шіркейлері тарататын ауруға қарсы ақуыз-вакцинасы бар масаларды дүниеге әкелді,
деп хабарлайды newsru.com сайты. Бұл ауру тері арқылы жұғады және дер кезінде емделмесе, кісі өліміне әкеледі.
Жапонияның Дзити медициналық университетінің ғалымдары бірқатар зерттеулер жүргізіп, солардың нәтижесінде, генетикалық өзгертілген масалар шаққан зертхана тышқандарының жоғарыда айтқан қатерлі ауруға қарсы иммунитетке ие болғанын дәлелдеген.
Дегенмен, жапондық мамандар мұнымен шектеліп қалмақ емес. Олар безгекке қарсы «вакцина егетін» масаларды шығаруды жоспарлап отыр.
