Газ баллонының жарылуы салдарынан бір адам қаза тапты
АСТАНА. 29 шілде. ҚазАқпарат - Шығыс Қазақстанның Зырян ауданында жеке үйлердің бірінде жарылыс болды.
Төтенше жағдайлар министрлігінің баспасөз қызметінен хабарлағандай, тұрмыстық газ баллоны жарылған және соның салдарынан ағаштан салынған үй мен қора-қопсы өртенген.
Өрт 4 сағаттан кейін сөндірілді, өртенген аумақ 80 шаршы метрді құрады. Оқиға орнынан 54 жастағы ер азаматтың денесі табылды.
