Газа секторында мерт болған адамдар саны 44 мыңнан асты

АСТАНА. KAZINFORM - Израильдің 2023 жылғы 7 қарашада жасаған соққысынан бері Газа секторында қаза тапқандардың саны 44 630 адамға жеткен, оның ішінде 16 765 бала бар. Бұл туралы Палестина үкіметі мәлім етті, деп хабарлайды aljazeera.com.

Палестина
Фото: aljazeera.com

Палестина денсаулық сақтау министрлігінің 17 қарашада берген ақпаратына сәйкес басып алынған Батыс жағалаудағы соңғы мәліметтер келесідей:

  • Қаза тапқандар кемінде 784 адам, оның ішінде 167 бала
  • Жарақат алған адамдар саны 6 250-ден астам.

Біріккен Ұлттар Ұйымы Гуманитарлық мәселелерді үйлестіру басқармасының, Дүниежүзілік денсаулық сақтау ұйымының және Палестина үкіметінің 10 қарашадағы соңғы мәліметтеріне сәйкес, Израиль шабуылдарынан зардап шекті:

  • коммерциялық нысандардың 80 пайызы
  • мектеп ғимараттарының 87 пайызы
  • денсаулық сақтау мекемелері - 36 аурухананың 17-сі жартылай жұмыс істейді
  • жол желілерінің 68 пайызы
  • егіннің 68 пайызы.

2023 жылдың 7 қарашасынан бері Газада әр сағат сайын 15 адам қаза тапты, 35 адам жарақат алды, 42 бомба тасталды, 12 ғимарат қирады.

                                                                                                                                                                                                                                   Дина Ғалымжанқызы

Соңғы жаңалықтар