Германия АҚШ елшісінен тыңшылыққа қатысты түсінік беруді талап етті

АСТАНА. ҚазАқпарат - ГФР СІМ өкілі Мартин Шефер осы аптада Wikileaks ұйымы жариялаған ақпарат жайында нақтырақ айтқанда, АҚШ Ұлттық қауіпсіздік агенттігі ГФР Сыртқы істер министрі Франк-Вальтер Штайнмайерді аңдығаны туралы дерек жан-жақты тергелуі тиіс деп мәлімдеді, деп хабарлады Newsru.com.

«Жарияланымның деректерін біз нақты зерделеп, назарға алдық», - деп мәлімдеді Шефер. Оның айтуынша, бұл тексеруді қажет етеді, себебі Wikileaks немесе осы тәріздес платформалардың хабарлағанына көзсіз сене салуға болмайды. «Алайда, бұл егер шын болса, онда олар қателік жасады», - деп мәлімдеді ол. «Wikileaks» және «Sueddeutsche Zeitung» газетіндегі жарияланымға қатысты статс-хатшы (Штефан) Штайнляйн кеше АҚШ елшісі Эмерсонмен байланысты», делінген ақпарт көзі таратқан мәлімітте. Ол аталған мәселе және өзге де жағдай бойынша АҚШ тарабы тергеу жүргізіп, түсінік беру қажеттігін мәлімдеді.