Германияда қытайлық Temu онлайн платформасына қатысты іс қозғалды

АСТАНА. KAZINFORM – Германияның Федералды монополияға қарсы басқармасы қытайлық компаниядан «Германия нарығындағы сатушыларға баға белгілеуге болмайтын талаптар қоюы мүмкін» деп күдіктенеді. Осыған байланысты тергеу жүргізіледі, деп хабарлайды Kazinform DW-ге сілтеме жасап.

Қытайда орналасқан Temu онлайн платформасы өте арзан ұсыныстармен сатып алушылардың назарын өзіне аударып отыр және олар ЕО-ға мүше елдер арасында кеңінен танымал. Еуропада бұл қызмет түрін ай сайын 100 миллионнан астам қолданушы пайдаланады.

Шамамен бір жыл бұрын онлайн платформа неміс сатушыларына қолжетімді болды. 

Брюссельде Temu ЕО тұтынушылық заңнамасын және онлайн платформалар ережелерін бұзуы мүмкін деген айыппен тергеліп жатыр. 

Осыған дейін Еуроодақ Temu-ды цифрлық қызметтер туралы заңды бұзды деп айыптаған болатын.