Германиядағы кеме жөндеу орнында ірі өрт болды

АСТАНА. KAZINFORM – Сейсенбі күні таңертең Рендсбург округіндегі Люрссен кеме жөндеу орнында цех өртенді.

Өртті сөндіруге төтенше жағдайлар қызметінің 300-ге жуық қызметкері келді. Кешке қарай өрт ауыздықталды, жалын басқа ғимараттарға таралған жоқ. Су атқыштар, өрт сөндіру қайықтары және шынжыр табанды техника пайдаланылды. 

Шахт-Аудорф аймағы мен оның кейбір бөліктері уақытша эвакуацияланып, тұрғындарға кешке үйлеріне қайтуға рұқсат етілді. 

Полицияның мәліметінше, бүлінген ғимарат ішінде бір яхта да болған, ол өртеніп кетті. Lürssen-Kröger кеме жасау орны яхта жасаумен танымал.

Келтірілген шығынның нақты көлемі әзірге белгісіз.

Өрттің шығу себебі әлі анықталған жоқ. Алайда өрттің салынып жатқан яхтадан шыққаны белгілі болды.