Головкинге «P4P чемпионы» белбеуі беріледі

АСТАНА. ҚазАқпарат - Боксқа маманданған белгілі басылым The Ring қазақстандық былғары қолғап шебері Геннадий Головкинге арнайы белбеу дайындады, деп хабарлайды ҚазАқпарат Sports.kz-ке сілтеме жасап.

Соңғы рет былтыр қыркүйек айында мексикалық Сауль Альвареске қарсы шаршы алаңға шығып, тең түскен Геннадий қазіргі кезде салмақ санатынан тыс әлемнің үздік боксшылары рейтингінде көш бастап тұр.  

Ол келесі жекпе-жегін тағы да Сауль Альвареске қарсы 5 мамырда өткізеді.

ESNews-тің хабарлауынша, қазақстандықтың промоутері Том Леффлер мен The Ring арнайы сыйлықты 24 ақпанда өтетін Superfly 2 бокс кешінің баспасөз мәслихатында таныстырмақ.