Головкиннің сәуірдегі жекпе-жегі Лос-Анджелесте өтуі мүмкін

АСТАНА. ҚазАқпарат - Геннадий Головкиннің промоутері Том Леффлер Лос-Анджелестегі Forum аренасын 23 сәуірде бокс өткізілуі мүмкін деп, алдын ала резервке алды. Бұл жөнінде ESPN шолушысы Дэн Рафаэлдің туиттердегі парақшасына сілтеме жасай отырып Sports.kz хабарлады.

Өткен жылы 17500 адам сыятын осы аренада Геннадий кіші Монромен жекпе-жек өткізген. Онда GGG алтыншы раундта техникалық нокаутпен жеңіске жеткен болатын.

Еске салсақ, бұдан бұрын Леффлер Нью-Йорктегі Madison Square Garden-ді резервке алған. Алайда бұл жерде дәл сол күні UFC ұйымы өзінің жарысын өткізбекші.