Гватемалада гүлден әлемдегі ең ұзын кілем тоқылды - ВИДЕО
АСТАНА. ҚазАқпарат - Гватемала тұрғындары Пасха мерекесіне арнап, гүлден ұзындығы екі шақырымды құрайтын кілем тоқыды, деп хабарлайды Корреспондент.
Шараны ұйымдастырушылардың бірі - шіркеу қызметкері Рафаэль Эскобардың айтуынша, олар діни мерекеге орай ерекше сый жасауды көздеген.
Тірі гүлден тоқылған кілемді Гиннес рекордтар кітабының өкілдері өлшеп, оның ұзындығы 2 шақырымнан асатынын нақтылады. Жаңа «кілем» ел астанасының орталығына төселген.
