Хоккайдодағы жер сілкінісі: 32 адам із-түзсіз жоғалған, оннан астамы қаза тапты
АСТАНА. ҚазАқпарат - Хоккайдо аралындағы күшті жер сілкінісінің салдарынан бес адамның қаза тапқандығы анықталды, алтауы клиникалық өлім жағдайында жатыр, деп хабарлайды ҚазАқпарат NHK телеарнасына сілтеме жасап.
Оның мәліметінше, тағы да 300 адам жарақат алып, 32 адам із-түзсіз жоғалған. Олардың қирандылар астында қалып қоюы мүмкін.
6,7 магнитудалы жер сілкінісі Хоккайдода бейсенбіге қараған түні сағат 3.08-де (Мәскеу уақытымен 21.08) болған. Апат салдарынан көптеген үйлер мен жолдар қираған.
Сондай-ақ, Саппоро әуежайы жабылып, барлық әуе рейстері тоқтатылды. Ұшақтар 7 қыркүйекте қайта жұмысын жалғастырады деп жоспарланып отыр.
