Хоккей: «Снежные барсы» «Сибирские снайперы» хоккейшілерін 7:0 есебімен тас-талқан етіп ұтты
АСТАНА. ҚазАқпарат - Жастар хоккей лигасы чемпионаты ауқымында Астанада «Снежные барсы» Новосібірдің «Сибирские снайперы» хокейшілерімен матчын өткізді.
Алғашқы кезеңде гол салынған жоқ. Екінші жиырма минутта «Снежные барсы» командасынан Андрей Локтев, Александр Ананичев, Максим Пушкарский және екі рет Әлихан Әсетов шайба салды, деп жазады Sports.kz . Ойынның үшінші бөлігінде астаналық Андрей Локтев пен Дмитрий Гурков қонақтарды тықсыруды одан әрі жалғастырды.
29 қарашада Астанада «Снежные барсы» Новосібірдің «Сибирские снайперы» командасымен тағы да кездесу өткізеді.
