Хорватияда сайлаудың екінші кезегі өтеді

АСТАНА.   Желтоқсанның 28-і.  ҚазАқпарат -   Хорватияда президенттік сайлауда   оппозициялық  әлеуметтік-демократиялық  партия кандидаты,  құқық  профессоры,   композитор  Ифо  Йосипович    жеңіске  қажетті  50 пайыздан артық  дауыс жинай алмады, 

 деп   хабарлады Би-Би-Си  агенттігі.

Ресми  ақпарат бойынша,    Йосиповичке  сайлаушылардың 32,4   пайызға жуығы дауыс  берген.   Екінші  кезеңде  Йосипович 14,8 пайызға жуық  дауыс    алған Загреб мэрі  Милан  Бандичпен президенттікке  таласады.   Дауыс беру  қаңтардың 10-ына    белгіленген.