Хуан Антонио Самаранчтың қазасына байланысты Еуроодақ көңіл айтты
БРЮССЕЛЬ. Сәуірдің 22-сі. ҚазАқпарат /Димаш Сыздықов/ - Денсаулық сақтау жөніндегі Еурокомиссар Андрулла Василиу Халықаралық олимпиадалық комитеттің бұрынғы президенті Хуан Антонио Самаранчтың қазасына байланысты көңіл айтты. Олимпиадалық қозғалыстың қайраткері кеше, сәуірдің 21-інде Барселонада дүниеден озғанын ҚазАқпарат бұдан бұрын хабарлаған болатын.
«Хуан Антонио Самаранч Олимпиадалық қозғалыстың ұлы қайраткерлерінің бірі және спорт әлемінің айтулы елшісі болды. Оның күш-жігерінің арқасында Олимпиада ойындары дамудың жаңа дәуіріне аяқ басқан еді. Олимпиада алауы Хуан Антонио Самаранчтың арқасында бүгінде ерекше жанып тұр», -делінген көңіл айту жеделхатында.
