Индустриялық-инновациялық даму картасына асфальт өндіріп, темір-бетон құрастыратын бірегей жоба ұсынылды
ҚЫЗЫЛОРДА. Ақпанның 17-сі. ҚазАқпарат /Руслан Игілік/ - Қармақшы ауданындағы «АНК-Дәулет» жауапкершілігі шектеулі серіктестігі индустриялық-инновациялық даму картасына асфальт өндіріп, темір-бетон құрастыратын бірегей жобаны ұсынды,
деп хабарлайды ҚазАқпарат тілшісі.
Шағын қос зауыттың негізгі жобалық құны 115 млн. теңгені құрайды. Шикізат іргелі ұжымның еншісіндегі кеніштерден алынбақ. Соңғы 5 жылдан бері осы бағытта жүйелі жұмыс жүргізіп, іскерлік тәжірибе жинақтаған салалық құрылымның өндірістік базасы бар. Кәсіби мамандар қажетті құрал-жабдықтармен қамтамасыз етілген. Жоба жүзеге асқан кезде 25 адам тұрақты жұмыс істейтін болады.
