«Инклюзивті қала»: Алматыда ерекше қажеттіліктері бар адамдар үшін 3,1 мың әлеуметтік нысан бейімделеді
АЛМАТЫ. KAZINFORM - Алматыда «Инклюзивті Алматы 2025-2030» қалалық тұжырымдамасы әзірленіп жатыр
Жұмыспен қамту және әлеуметтік бағдарламалар басқармасының мәліметінше, тұжырымдама тең мүмкіндіктерді қамтамасыз етуге және осы санаттағы азаматтарды қала өмірінің барлық салаларына толыққанды енгізуге бағытталған.
- Биыл 32,5 мың қалалық инфрақұрылым объектілерін паспорттау жоспарланған. Бұл процесті автоматтандыру үшін нақты уақыт режимінде объектілерді паспорттау мен бейімдеу барысын жедел бақылауға мүмкіндік беретін мобильді платформа құрылды.
Бұдан басқа, 2030 жылға дейін ерекше қажеттіліктері бар адамдар үшін қалалық инфрақұрылымның 3,1 мың әлеуметтік объектілерін кезең-кезеңімен бейімделеді, - деп хабарлады басқармадан.
Еске салайық, биыл 1 қыркүйекте Алматыда қанша мектеп ашылатынын жазғанбыз.
