Интернетте Ыстамбұлдағы жарылыс туралы бейнекамералардағы түсірілім жария етілді
АСТАНА. ҚазАқпарат - Ыстамбұл қаласында 1 желтоқсанда кешке болған жарылыс жайлы бұған дейін хабарлаған болатынбыз. Интернет желісінде орын алған жарылыс туралы көше камераларында түсірілген бейне жария етілді. Бұл видеоны YouTube-дегі өз арнасында түріктің Daily Sabah басылымы орналастырды.
«HABERTÜRK» арнасында метродағы жарылыс Байрампаша стансасына жақын жердегі эстакада маңында орын алғаны айтылады. Жергілікті билік трансформатор істен шығып, 1 адам ғана зардап шеккенін жеткізді. Алайда, БАҚ өкілдері оқиғадан бір адам қаза тауып, бір адам зардап шеккенін хабарлаған болатын.
