Инженер кадрларды дайындау жөніндегі Қазақстан-Беларусь бірлескен оқу орталығы жұмыс істей бастайды - Н.Назарбаев

АСТАНА. 4 қазан. ҚазАқпарат - Инженер кадрларды дайындау жөніндегі Қазақстан-Беларусь бірлескен оқу орталығы жұмыс істей бастайды. Бұл туралы бүгін Ақордада елімізге ресми сапармен келген Беларусь Республикасының Президенті Александр Лукашенкомен өткізілген баспасөз мәслихатында Елбасы Нұрсұлтан Назарбаев айтты.

«Бүгін С.Сейфуллин атындағы Қазақ агротехникалық университетінде инженер кадрларды дайныдау, қайта дайындау қазақстандық-беларусьтық оқу-өндірістік орталығы ашылады», - деді ҚР Президенті.

Мемлекет басшысының атап өтуінше, аталған орталық екі елдің білім саласындағы өзара тиімді ынтымақтастығының жарқын көрінісі болып табылады.