Ирак артефактілерін контрабандалағаны үшін британдық азамат 15 жылға сотталды

БАҒДАТ. ҚазАқпарат – Дүйсенбіде Бағдад қаласының соты Ұлыбритания азаматын Ирактың тарихи жерлеріне экскурсия кезінде алған ежелгі заттарды контрабандалағаны үшін 15 жылға бас бостандығынан айырды, деп хабарлады ҚазАқапарат Reuters агенттігіне сілтеме жасап.

Ирак билігі 66 жастағы Джеймс Фиттонды осы жылдың наурыз айында Бағдад халықаралық әуежайында ежелгі қыш ыдыстардың кішкене бөліктерін алып кетпек болғаны үшін қамауға алды.

Сөмкелерді тексеру кезінде Ирактың оңтүстігіндегі ежелгі Месопотамия қаласы Эридуда жиналған тырнақтың көлеміндей сынықтар табылды.

Дүйсенбіде Бағдадтың қылмыстық соты Фиттонды Ирактың оңтүстігіндегі мұра нысанынан артефактілерді алып, оларды «қылмыстық ниетпен» елден шығаруға тырысқаны үшін 15 жылға бас бостандығынан айырды.