Ирактағы жарылыс: қаза тапқандардың саны 100 адамға дейін жетті

АСТАНА. ҚазАқпарат - Ирактың Хан-Бани-Саад қаласында болған жарылыста қаза тапқандардың саны 100-ге жетті, олардың арасында балалар көп.

Осыған дейін мұсылмандардың қасиетті Рамазан айының аяқталуы мерекеленіп жатқан қала базарында жарылыс болғаны туралы хабарланған.

Полицейлер жарылыс салдарынан жанындағы ғимараттар құлағанын және үйінділердің астында адамдар қалуы мүмкін екенін айтты.

Бұл қылмысқа кім жауапты екені әзірге белгісіз.

Хан-Бани-Саад - Диял провинциясындағы қала. Мұндағы тұрғындардың басым бөлігі - шииттер.