Иран Израильдің шабуылына жауап беруге дайындалуда

АСТАНА. KAZINFORM - Иран Израильдің Ислам Республикасына жасаған соққысына айтарлықтай зиян келтірмесе де жауап береді. Бұл туралы Иран Парламенті (Мәжіліс) Ұлттық қауіпсіздік комитетінің мүшесі Эсмаил Косари мәлімдеді, деп хабарлайды ТАСС агенттігі.

Сионистердің (Израиль) өз операциясын орындамауы Иран жауап қайтармайды дегенді білдірмейді. Иран парламентшісі «Фарс» агенттігіне берген сұхбатында сионистік режим аумақтық тұтастықты бұзғаны үшін төлеуі керек деп баса айтты.

Оның сөзіне қарағанда, жауап «өте ауыр» болады.

«Мен сионистерге баспаналарда тұруды үйренуге кеңес беремін», - деп қосты Косари.

Бұған дейін Израиль қорғаныс күштері ирандық әскери нысандарға түнгі әуе шабуылдарын аяқтағанын айтып, Иранды қақтығыстың одан әрі шиеленісуіне қарсы тұруға дайындалуды ескерткен.

Естеріңізге сала кетейік, 25 қазаннан 26 қазанға қараған түні ИСД «режимнің Израильге қарсы үздіксіз шабуылдары» деп атаған әрекетіне жауап ретінде «Ирандағы әскери нысандарға дәл соққылар жасап жатқанын» мәлімдеді.

Израиль әскерінің Иранға жауабы Тегеран 1 қазанда Израильге жаппай шабуыл жасап, 200-ге жуық баллистикалық зымырандармен атудан кейін күтілген болатын. Бұл өз кезегінде Иран қолдайтын ливандық шииттік «Хезболла» тобының жетекшісі Хасан Насралланың өлтірілуіне жауап ретінде жасалды. Ол израильдіктердің Бейруттегі Хезболланың штаб-пәтеріне жасаған соққысынан қаза тапты.

Иран ақпарат құралдары 26 қазанға қараған түні Тегеранда және оған жақын орналасқан әскери базаларда екі сағаттан астам уақыт бойы бірнеше жарылыстың екі толқыны болғанын хабарлады. IRNA мемлекеттік ақпарат агенттігінің (ҚазАқпарат серіктес агенттік) хабарлауынша, Тегеранның орталығында зениттік атыс естілді.