Иса (ғ.с.) пайғамбар рөлін мұсылман жігіті сомдайды

АСТАНА. ҚазАқпарат - National Geographic әлемдік телеарнасы түсіріп жатқан «Исаның (ғ.с.) өлімі» атты киноның басты кейіпкеріне мұсылман жігіт таңдалды. Алайда, бұл таңдау сыншылар тарапынан кекесінге толы көптеген пікірлердің туындауына жол ашты, деп хабарлады www.muslim.kz.

Ал, Хааз Сүлейман есімді мұсылман жігіті: «Біздер Исаның (ғ.с.) да Алла Тағала Елшісі екеніне күмәнсіз сеніп, оны құрметтейміз. Алайда, оны көптеген жандар біле бермейді», - дейді. «Мұсылман жанұясында ер жеткен мен үшін Иса (ғ.с.) пайғамбар рөлін сомдау - үлкен құрмет".

Ал, өз атына айтылып жатқан сынға Сүлейман былай деп жауап қайтарды: «Мен Иса (ғ.с.) үшін жауап қайтара алмаймын, бірақ оның сөзін мысалға келтіргім келеді. Жақыныңды өзіңнен артық жақсы көр!».

Сүлейман өзіне осы рөл бұйырғанын естігенде алғаш анасына қоңырау шалып, рұқсат сұрағанын жеткізді.