Ішкі істер органдары қызметкерлерінің 85 пайызы ревакцинациядан өтті
НҰР-СҰЛТАН. ҚазАқпарат – Ішкі істер органдары қызметкерлерінің 85 пайызы ревакцинациядан өтті. Бұл туралы ҚР Ішкі істер министрлігінің өкілі Шұғыла Тұрлыбек айтты, деп хабарлайды ҚазАқпарат тілшісі.
«Ішкі істер министрлігінің Медициналық басқармасы COVID-19 коронавирус инфекциясына қарсы қайта вакциналаудың төртінші толқынын ұйымдастырды. Бүгінде ішкі істер органдары қызметкерлерінің 85 пайызы ревакцинациядан өтті», - деді ІІМ өкілі ведомствоның баспасөз қызметі алаңында өткен брифингіде.
Оның атап өтуінше, орган қызметкерлерінің екпе алуы өте маңызды.
«Полиция қызметкерлерінің COVID-19 коронавирус инфекциясына қарсы екпе алуы өте маңызды. Өйткені, олар халықпен тығыз қарым-қатынаста жұмыс істейді», - деді Шұғыла Тұрлыбек.
Бұған дейін ведомство өкілі жыл басынан бері елімізде 12 мыңға жуық интернет-алаяқтық тіркеліп, кесірінен 7 млрд теңге шығын келтірілгенін айтты.
