Исламиада-2025: Гандболдан Қазақстан әйелдер құрамасы Өзбекстанды жеңді

АСТАНА. KAZINFORM – Гандболдан Қазақстан әйелдер құрамасы Эр-Риядта (Сауд Арабиясы) өтіп жатқан Ислам ынтымақтастығы ойындарында алғашқы кездесуінде жеңіске жетті. 

Ұлттық олимпиадалық комитеттіңм мәліметінше, отандастарымыз Өзбекстан құрамасымен кездесіп, 36:28 есебімен қарсыласынан басым түсті. 

Келесі матчта Қазақстан командасы Әзербайжан құрамасымен кім мықтыны анықтайды. 

Айта кетейік, қазақстандықтар В тобында өнер көрсетіп жатыр. 

Бұған дейін Қазақстан құрамасы жүзуден Ислам ынтымақтастығы ойындарының күміс жүлдегері атанғанын хабарлағанбыз.