Италия медиктері A/H1N1 тұмауына қарсы 8,6 миллион адамға егу шараларын жүргізеді

РИМ. Шілденің 15-і.  ҚазАқпарат -  Италия  медиктері    жылдың   соңына  дейін    A/H1N1  тұмауына  қарсы 8,6   миллион  адамға   егу   шараларын  жүргізеді,

деп   хабарлады сейсенбі күні  кешке    журналистерге   Италияның  әлеуметтік  даму    және  денсаулық сақтау   вице-министрі Ферручо Фацио.   ҚазАқпарат бұл туралы «РИА «Новости» агенттігіне  сілтеме  жасап хабарлайды.

Вице-министрдің айтуынша,  «жаңа  тұмауға» қарсы вакцина  ағымдағы жылдың  қазан  айында   дайын болып қалады. 

Денсаулық сақтау     министрлігінің ақпараты  бойынша,   сәуірдің 24-інен бері Италияда   A/H1N1   тұмауын   жұқтырудың 224 оқиғасы  тіркеліп  отыр.    Ал  аурулардың алдын алу  және барысын бақылау   жөніндегі  еуропалық орталықтың  соңғы ақпаратына сүйенсек, әлемде    A/H1N1   тұмауын  жұқтырудың  116 мыңнан  астам оқиғасы    тіркелген,  580 адам    аурудан  көз жұмған.