IX қысқы Азия ойындары алауының эстафетасы басталды

АСТАНА. KAZINFORM – Қытайдың Харбин қаласында өтетін IX қысқы Азия ойындары алауының эстафетасы басталды.

Харбин алау эстафетасы
Фото: Синьхуа

Синьхуа агенттігінің жазуынша, қысқы Азияда алауын жағу рәсімі Харбин қаласының «Күн аралы» ұлттық саябағында өтті.

Салтанатты шарада алау эстафетасы және «цифрлық эстафета» ресми басталды деп жарияланды.

Харбин алау эстафетасы
Фото: Синьхуа

Айта кетейік, «цифрлық эстафетаға» әлемнің барлық елінен қатысуға болады. Вичат желісі арқылы эстафетаға қатысушы электронды сетификат және арнайы сыйлық алуға мұмкіндігі бар.

IX қысқы Азия ойындары алауының факелі тақырыбы – «Серпін», бұл қысқы Азия ойындары өміршеңдік пен құштарлыққа толы деген мағынаны білдіреді. Алаудың жалпы ұзындығы шамамен 735 мм, үстіңгі диаметрі шамамен 115 мм.

Харбин алау эстафетасы
Фото: Синьхуа

Еске салсақ, IX қысқы Азия ойындары 2025 жылдың 7-14 ақпаны аралығында Қытай Халық Республикасы Хэйлунцзян провинциясының Харбин қаласында өтеді. Спортшылар 11 спорт түрі бойынша 64 медаль жиынтығын сарапқа салады.

ҚР Туризм және спорт министрлігінің хабарлауынша, Қазақстаннан 139 спортшы ел намысын қорғайды.

Осыған дейін қысқы Азияданың билеттері ресми сатылымға шыққаны туралы жазған едік.

 

Соңғы жаңалықтар