Израиль аумағында ең ірі газ кеніші табылды
АСТАНА. Сәуірдің 14-і. ҚазАқпарат - Жерорта теңізінің шығыс аймағында орналасқан Левантия жағалауында әлемдегі ең ірі газ кеніштерінің бірі табылды,
деп хабарлайды Лента.ру агенттігі.
Бұл туралы АҚШ-тың Мемлекеттік геологиялық қызметі сайтында жарияланған есепте айтылған. Левантия алабы Израиль, Сирия және Ливан жағалауларын қамтиды.
Есептің мәліметтері бойынша, левантиялық аймақтағы кеніштің тексерілмеген қоры 3,43 триллион текше метрді құрауы мүмкін. Ақпаратта 2008 жылы жер бетінде газдың жылдық пайдаланылуы 3,11 триллион текше метрді құрағаны келтірілген.
Аса маңызды газ кеніштері Израиль аумағында орналасуы мүмкін деген болжам бар.
