Израильдің АҚШ-тағы елшісінің ұлы теракт салдарынан ауыр жарақат алды
АСТАНА. KAZINFORM — Батыс жағалаудағы жағдай шиеленіскен күйде қалып отыр, шабуылдар мен Израиль әскери операциялары толастар емес, деп хабарлайды Kazinform агенттігінің меншікті тілшісі.
Израильдің АҚШ-тағы елшісі Йехиэль Лейтердің ұлы, Израиль армиясының резервінде тұрған Нерия Лейтер сәрсенбі күні Батыс жағалаудағы бақылау-өткізу бекетінде болған көлік терактісі салдарынан ауыр жарақат алды, деп хабарлады The Times of Israel әскери және полиция қызметкерлеріне сілтеме жасай отырып.
Израиль тарапының мәліметінше, Иерусалим мен Тель-Авивті байланыстыратын 443-ші тас жол маңындағы бақылау-өткізу бекетінде палестиналық жүргізуші көлігін полиция көлігіне қарай бұрған. Көлік соқтығысынан полиция қызметкерімен бірге кезекшілік атқарып тұрған Лейтер жарақат алған.
🇵🇸 Israeli forces shot dead a 29-year-old Palestinian, Mahmoud Mohammad Mahmoud Suleiman, at a checkpoint near the illegal settlement of Beit Horon west of Ramallah, West Bank, on Wednesday, after what Israeli police described as a car-ramming that critically wounded a reservist.… pic.twitter.com/8wY0XYtmED
— Drop Site (@DropSiteNews) September 23, 2026
🔴 Neriah Leiter, son of Israel’s US envoy Yechiel Leiter, named as reservist seriously injured in earlier ramming near Modi’in pic.twitter.com/EJ9MHLNiI2
— i24NEWS English (@i24NEWS_EN) September 23, 2026
Әскерилер жүргізуші қашуға тырысқан кезде атып өлтірген. Палестина Денсаулық сақтау министрлігінің дерегінше, оның аты Махмұд Сүлеймен болған. Израиль қауіпсіздік қызметкерлері 29 жастағы ер адамның жақын маңдағы Бейт-Ур-әт-Тахта ауылында тұрғанын хабарлады.
Ес-түссіз жатқан Нерия Лейтер Иерусалимдегі «Шаарей-Цедек» медициналық орталығына жеткізілген. Дәрігерлер бірнеше сағат бойы оның миына жедел ота жасаған. Травматология бөлімінің меңгерушісі Алон Шварц науқастың жағдайы тұрақтанғанын, бірақ ауыр күйінде қалып отырғанын және өміріне әлі де қауіп төніп тұрғанын хабарлады. Ол басынан қатты жарақат алған.
— Медицина мамандары қазір ұлымның өмірі үшін күресіп жатыр… Нерия ғажайыпқа мұқтаж, — деп жазды елші Йехиэль Лейтер әлеуметтік желіде.
I am grateful to the IDF, to the medical team at Shaare Zedek who are now fighting to save the life of Neria Dov ben Chana, and for the prayers of the people of Israel.
— Ambassador Yechiel (Michael) Leiter (@yechielleiter) September 23, 2026
I believe in the power of prayer, and I believe that when the people of Israel unite, miracles happen. Neria…
Нерияның ағасы, резервтегі Моше Йедидья 2023 жылдың қарашасында Газа секторының солтүстігіндегі шайқас кезінде қаза тапқан болатын.
Израиль премьер-министрі Биньямин Нетаньяху БҰҰ Бас Ассамблеясына қатысу үшін Нью-Йоркке ұшар алдында ауруханадағы Лейтер отбасына барды.
Бірнеше күн бұрын Рамалла қаласының солтүстік-батысында орналасқан, Неве-Цуф немесе Халамиш деп те аталатын Израиль елді мекені маңында да теракт болған еді.
