К.Мәсімов пен Д.Медведев ҚР мен РФ арасындағы транзиттік мүмкіндіктерді жүзеге асыру мәселелерін талқылады
АСТАНА. ҚазАқпарат - Қазақстан Республикасының Премьер-Министрі Кәрім Мәсімов Ресей Федерациясы Үкіметінің төрағасы Дмитрий Медведевпен телефон арқылы сөйлесті. Бұл туралы ҚР Үкіметінің баспасөз қызметінен хабарлады.
Әңгіме барысында Үкімет басшылары қазіргі жағдай және сауда-экономикалық ынтымақтастықтың даму мүмкіндіктерін, сонымен қатар екі елдің транзиттік әлеуетін жүзеге асыру мәселелерін талқылады.
