Қала басшысы соғыс және еңбек ардагерлеріне құрмет көрсетті
ОРАЛ. Наурыздың 7-сі. ҚазАқпарат /Ғайсағали Ералы/ - Орал қаласының әкімі Самиғолла Оразов бір топ соғыс және еңбек ардагерлерін, ардақты аналарды қабылдап, құрмет көрсетті,
деп хабарлайды ҚазАқпарат тілшісі.
Қала басшысы әйел-аналарды мерекелерімен құттықтап, қазіргі өмірге жетуде аға ұрпақтың үлесі мол екендігін атап өтті. Сегіз бала тауып, тәрбиелеген Үміт Ақбасоваға «Күміс алқаны» табыс етті. Сондай-ақ келгендердің бәріне ескерткіш сыйлықтар тапсырылды.
Ұзақ жыл Орал педагогикалық институтында ұстаздық еткен, Ұлы Жеңіс хабарын өңір жұртшылығына облыстық радио арқылы алғаш жеткізген Меруерт Жолдықайырованың айтуынша, елімізде әйел-анаға деген қадір-құрмет пен қамқорлық ешқашан бәсеңсіген емес. Ол Елбасының жаңа Жолдауында да жан-жақты көрініс тауып отыр.
