Калифорнияда тиіннің кесірінен 45 мың адам жарықсыз қалды

АСТАНА. ҚазАқпарат - Калифорниядағы Сан-Диего қаласында 45,5 мың адам тиіннің кесірінен жарықсыз қалды. Бұл туралы CBS8 телеарнасы хабарлады.

Оқиға кеше күндіз болды. Жануар электр өткізу желісін зақымдап, соның салдарынан бірқатар тұрғын үйлерде, мектептерде, сондай-ақ жергілікті кәсіпорындарда жарық өшкен.

Айта кетейік, мамандар бір сағаттан кейін электрмен жабдықтауды қалпына келтірді.