Кәмелетке толмағандарды бейімдеу орталығындағы 39 бала Қонаевқа көшті
АЛМАТЫ. KAZINFORM – Қонаев қаласындағы жаңа орталық кәмелетке толмағандарды бейімдеу орталығының тәрбиеленушілерін қабылдады.
Алматы облысы білім басқармасының мәліметінше, Алматы қаласындағы кәмелетке толмағандарды бейімдеу орталығынан Қонаев қаласына 39 бала келді.
Барлығы жеке инвестордың қаржысына салынған жаңа ғимаратқа орналастырылды. Келгендердің барлығы — бейімдеу орталығының тәрбиеленушілері, балалар үйінен ешбір бала жоқ.
— 2022 жылы Алматы облысы әкімшілік тұрғыда бөлінгеннен кейін бейімдеу орталығы уақытша Алматы қаласындағы № 1 балалар үйінің базасына орналастырылған еді. Жаңа ғимаратқа көшу тәрбиеленушілердің келісімімен және мамандардың сүйемелдеуімен жүзеге асырылды, — деп хабарлады басқармадан.
Еске салайық, бүгін Алматыда орналасқан облыстық Балалар үйінің тәрбиеленушілері Қонаев қаласына көшуге наразылық білдірді.
Президент тапсырмасымен «Бағанашыл» балалар үйі Алматыдан Қонаевқа көшірілмейтін болды.
