02:41, 29 Қараша 2015 | GMT +5
Камерунда жанкешті өзін жарып жіберді, 17 адам мерт болды
АСТАНА. ҚазАқпарат - Сенбі күні Камерунның солтүстігінде жанкешті өзін жарып жіберді, оқиға салдарынан кемінде 17 адам мерт болды, деп хабарлады Синьхуа агенттігі әскери дереккөзге сілтеме жасап.

Оқиға кезінде тағы бірнеше адам әртүрлі дәрежеде жарақаттар алды.
Қазіргі сәтте аймақта әрекет етіп жатқан радикалық топтардың бірде-бірі шабуыл үшін өзіне жауапкершілікті алған жоқ, деп жазады РИА Новости .
«Боко Харам» радикалдық исламшылар тобының лаңкестері Нигер, Камерун және Чад елдері үнемі жүргізіп жатқан әскери науқанға жауап ретінде көптеген лаңкестік актілерді ұйымдастырып келеді. Бұл науқан осы топқа жататын содырлардың көзін жоюға бағытталған.