Канаданың «олимпиадалық» провинциясында A/H1N1 тұмауының құрбандары 30 адамға жетті
А. Қарашаның 18-і. ҚазАқпарат - 2010 жылдың ақпан айында қысқы Олимпиада ойындарын қабылдағалы отырған Канаданың Британдық Колумбия провинциясында A/H1N1 тұмауынан қайтыс болғандардың саны 30 адамға жетті,
деп хабарлайды «РИА «Новости» агенттігі «олимпиадалық» провинцияның денсаулық сақтау министрлігінің ақпараттық бюллетеніне сілтеме жасап.
Соңғы жеті күнде Британ Колумбиясында доңыз тұмауының салдарынан 5 адам көз жұмды.
Британ Колумбиясында вируспен күрес аясында вакцина егу амалы жалғасуда. Өткен аптада 250 мың адам егілді. Провинцияның медициналық өкіметінің бағалауынша, алдағы жеті күнде вакцина егілгендердің қатары тағы 258 мың адамға толығады, ал қараша айының соңы мен желтоқсанның басында провинцияда A/H1N1 тұмауына қарсы егілгендердің саны 1 миллионға жетеді. Ал провинцияда 4,5 адам тіршілік кешіп жатыр.
