Қанат Исламның Алматыдағы титулды жекпе-жегінде тағы кімдер шаршы алаңға шығады

НҰР-СҰЛТАН. ҚазАқпарат - 26 қазанда Алматыда өтетін Қанат Исламның титулдық жекпе-жегінде шаршы алаңға тағы кімдер шығатыны белгілі болды, деп хабарлайды ҚазАқпарат тілшісі.

Бұл туралы «Qazaq promotions» компаниясының Instagram парақшасында жарияланды.

Естеріңізге сала кетейік, осыған дейін Қанат Исламның қарсыласы белгілі болғанын жазған едік.

Аталған бокс кешінде басты жекпе-жек Қанат Ислам (26-0, 21 КО) мен намибиялық Уолтер Каутондоква (18-1, 17 КО) арасында өтеді.

Ал осы бокс кеші аясында тағы Арман Рысбек (6-0, 5 КО), Руслан Мырсатаев (6-0, 6 КО), Асқар Ерубек (1-0, 1 КО), Нұрсұлтан Аманжолов (1-0, 0 КО) пен Бексұлтан Раушановтың (5-1, 3 КО) жекпе-жектері жоспарланған. Қазақ боксшыларының қарсыластары кім болатыны әзірге белгісіз.

«Жақын арада баспасөз мәслихаты ұйымдастырылып, онда барлық мәліметтер жарияланады», - делінген Qazaq Promotions хабарламасында.