Қанат Исламның Астанадағы жекпе-жекте киетін киімі таныстырылды
АСТАНА. ҚазАқпарат - Қазақстандық кәсіпқой боксшы Қанат Исламның ЭКСПО аясында өтетін кезекті жекпе-жегінде рингке киіп шығатын киім үлгісі таныстырылды, деп хабарлайды ҚазАқпарат.
Жаңа киім үлгісі боксшының Facebook желісіндегі парақшасында жарияланды. Киім аспан көк түсте болып, оған алтын түсте боксшының лақап аты «QAZAQ» деп жазылған.
Еске сала кетейік, 9 қыркүйек күні ЭКСПО-2017 аясында «Сарыарқа» велотрегінің алаңында бокс кеші өтеді. Жеңіліп көрмеген қазақстандық Қанат Ислам мен канадалық Брэндон Куктың айқасы - басты оқиға болады. Сондай-ақ осы жекпе-жектің андеркартында қазақстандық 8 боксшы шаршы алаңға шығады.
