Қарағанды облыстық денсаулық сақтау басқармасының басшысы отставкаға кетті

АСТАНА. ҚазАқпарат - Қарағанды облыстық денсаулық сақтау басқармасының басшысы Төлеген Садуақасов өз еркімен қызметінен кетті, деп хабарлады облыс әкімдігінің баспасөз қызметінен.

«Облыс әкімі Бауыржан Әбдішев селекторлық жиында кадрлық өзгерістер жайында хабардар етті. Т.Садуақасов өз еркімен жазған өтініші бойынша облыстық денсаулық сақтау басқармасының басшысы лауазымынан босатылды», - делінген хабарламада. Таратылған ақпаратта оның не себептен қызметінен кеткендігі турасында айтылмаған. Айта кетерлігі, Т.Садуақасов 17 жылдан астам уақыт бойы денсаулық сақтау саласында жұмыс істеді әрі оның соңғы 8 жылында басшылық қызметте болды. 2012 жылдың қазанынан облыстық денсаулық сақтау басқармасына басшылық жасады. Аталған ведомство басшысының міндетін уақытша атқару Қарағанды облыстық денсаулық сақтау басқармасы басшысының орынбасары Азамат Дүйсеновке жүктелді.