Қарағанды облысында Балқаш көлінде жоғалып кеткен балықшыларды іздеу жұмыстары жалғасып жатыр
«Қыркүйектің 6-сы күні «ҚазӘуеқұтқару» республикалық мемлекеттік кәсіпорнының тікұшағы көлдің үстінен ұшып өтіп, 30 шақырым аумақты іздеді. Сонымен қатар, ТЖД су-құтқару қызметі Балқаш қаласы су-құтқару қызметі «Орион» құтқару қайығының сүңгуірлерімен бірге (6 адам мен 1 техника) жергілікті халық та іздеу жұмыстарын жалғастыруда (24 адам мен 1 техника). Іздеу жұмыстары нәтижесін бермей отыр», - делінген таратылған ақпаратта.
Бұрын хабарланғандай, 18 және 20 жастағы екі жігіт өткен жұма, қыркүйектің 3-і күні кешке Тасарал ауылдық округінің Ақтөбе-Қарағаш ауданында (Балқаш қаласынан 90-100 шақырым) қайыққа мініп Балқаш көліне шыққан. Келесі күні таңертең туыс-туғандары олардың жоғалып кеткендігі туралы хабар береді.
Сондай-ақ қыркүйектің 4-і күні Балқаш көлінен 8 шақырым жердегі «Ақ тас» демалу аймағының ауданында суға кеткен 54 жастағы балықшыны іздеу жұмыстары әлі жүріп жатыр. ТЖД су-құтқару қызметі Балқаш қаласы су-құтқару қызметінің сүңгуірлері 8 метр тереңдіктегі 1200 шаршы метр көл аумағын түгелдей қарап шыққан. Бүгінгі таңға дейін іздеу жұмыстарының оң нәтижесі шықпады.