Қарағанды облысында білім саласына арналған атаулы күндер күнтізбесі әзірленді
ҚАРАҒАНДЫ. ҚазАқпарат – 2022 жылға арналған атаулы күндер күнтізбесін Қарағанды облысының білім басқармасы және оқу-әдістеме орталығы дайындады, деп хабарлайды ҚазАқпарат тілшісі.
Күнтізбе тек мұғалімдерге ғана емес, сонымен қатар қосымша білім беретін мұғалімдерге, колледж оқытушыларына, балабақша тәрбиешілері мен кітапханашыларға жұмыс істеуге көмектесетін ақпараттық-әдістемелік материал түрінде ұсынылған.
Ол үш бөлімнен тұрады: Қазақстан Республикасындағы мерекелер, 2022 жылдың атаулы және естелік күндері, тәрбие жұмысын ұйымдастыру жөніндегі әдістемелік материалдар.
«Облыстық білім басқармасының тапсырмасы бойынша оқу-әдістемелік орталығының әдіскерлері 2022 жылға арналған атаулы және естелік күндердің күнтізбесін жасады. Біз оны білім беру ұйымдарында, сондай-ақ ата-аналар қауымдастығында балалармен әңгімелесу, мектеп іс-шараларына қатысу, отбасылық оқуды ұйымдастыру үшін пайдалануды ұсынамыз», – деп атап өтті оқу-әдістеме орталығының директоры Бақыткүл Әбдікерова.
Күнтізбеге оқытуды ұйымдастыру ерекшеліктерін, білім алушылардың жасын, сұраныстары мен мүдделерін ескере отырып, өзгерістер, толықтырулар мен түзетулер енгізілуі мүмкін.
