Қарағанды облысында «Мен және менің полицейім» акциясы басталды

ҚАРАҒАНДЫ. 10 желтоқсан. ҚазАқпарат - 10 желтоқсан күні Қарағанды облысында екі күнге созылатын «Мен және менің полицейім» акциясы басталды, деп хабарлайды облыстық ІІД баспасөз қызметінен.

«Шараның мақсаты - балаларды, ал олар арқылы ересектерді полицияның жұмысымен, оларды қоғамдық орындар мен жолдарда өздерін ұстаудың негізгі ережелерімен таныстыру. Акцияның барысында әңгімелесулер мен 1-4 сынып оқушылары және мектепалды мекемелердің жоғары топтарының тәрбиеленушілері үшін «Полицей - дос және қорғаушы» тақырыптарына ойындар өткізіледі», - делінген хабарламада.

 Тәртіп сақшылары балаларды қоғамдық жерлерде, жолдарда, таныс емес адамдармен сөйлесу кезінде өздерін ұстаудың негізгі ережелеріне үйретеді. Бұдан басқа, мектеп оқушылары үшін полиция бөлімшелеріне экскурсиялар ұйымдастырылып,  полицейлердің жұмысымен таныстырылады.