Қарағанды облысында жол полициясы аптаның әр жұмасын жаяу жүргіншілер күні деп белгіледі
деп хабарлайды ведомствоның баспасөз қызметі.
Жол полициялары жаяу жүргіншілерге жолдан өту мәдениетін қалыптастыруға тырысады. Осы мақсат бойынша мамырдың 28-інен бастап «Назар аударыңыз! Жаяу жүргінші! Жол жүру ережесі - қатаң бақылауға алынады!» атты онкүндік жұмысын бастады.
«Жаяу жүргіншілерге қатысты болатын жол- көлік оқиғалары облыс қалаларының ғана емес, ауыл аймақтарының да проблемасына айналды. Жаяу жүргінші өтетін жол - қозғалыстың бір санаты, онымен жұмыс істеу өте қиын. Көп жағдайда жүргізушілер инспектордың ескертуіне қарамастан, көпе-көріне ереже бұзады», - дейді жол полициясы басқармасындағылар.
Ведомствоның мәліметтері бойынша, 2010 жылдың басынан бері жаяу жүргінші жолдарына қатысты 8 жол- көлік оқиғасы тіркелген, соның салдарынан бір адам қаза тауып, 7 адам әртүрлі деңгейде жарақат алған.
Онкүндік басталған күні Қарағанды көшелерімен үгіт-насихат жүргізетін сап жүріп өтті. Іс-шараға жол қозғалысының жас инспекторлары қатысты.