Қарағандыда 10 жасар қыз балаға Елбасының атынан компьютер табыс етілді
ҚАРАҒАНДЫ. Ақпанның 22-сі. ҚазАқпарат /Валентина Елизарова/ - Елбасымен болған тікелей желіге хабарласқан қарағандылық 10 жасар қыз балаға компьютер тарту етілді,
деп хабарлады Қарағанды облысының әкімдігінен.
4-ші сынып оқушысы Арайлым Жоланова ел Президентінен Жаңа жылға компьютер тарту етуді өтінген еді. Отбасында жалғыз анасы үш кәмелетке толмаған баланы тәрбиелеп отырғанын ескерген №30 мектептің әкімшілігі өздерінде оқитын Арайлымға осындай тарту жасады, деп хабарлады әкімдіктен.
Арайлым арманының орындалғанына қуанышты және сол үшін Елбасына рахмет айтуда.
