Қарағандыда құрылыс алаңында 20 жастағы жігіт тоғызыншы қабаттан құлап мерт болды
ҚАРАҒАНДЫ. ҚазАқпарат – Қарағандыдағы «Сапфир» ТК құрылыс алаңында 20 жастағы тас қалаушы 9 қабаттан құлап кетті, Жігіт алған жарақатынан оқиға орнында көз жұмды, деп хабарлайды ҚазАқпарат тілшісі.
Қайғылы оқиға 18 қыркүйек күні кешкі сағат 18:20-да болған.
Тас қалаушы жас жігіт «Сапфир» тұрғын үй кешенінде үй салатын құрылыс бригадасының құрамында жұмыс істеген.
Жігіт құрылыс нысанының 9-қабатынан құлап кеткен. Ол алған жарақатынан оқиға орнында көз жұмды.
«Аталған факті бойынша ҚР ҚК 156-бабы 3-бөлігі бойынша қылмыстық іс тіркелді. Тиісті сараптама тағайындалды. Тергеу амалдары жүргізіліп жатыр», - деп хабарлады Қарағанды облысы ПД баспасөз қызметі.
Бұл нысанда қайтыс болған жігіттің ағасы мен әкесі де жұмыс істейді.
