Қарағандыда мүмкіндігі шектеулі жандар арасында тоғызқұмалақтан республикалық чемпионат өтуде (ФОТО)
ҚАРАҒАНДЫ. ҚазАқпарат - Қарағандыда мүмкіндігі шектеулі жандар арасында тоғызқұмалақ бойынша ҚР чемпионаты өтіп жатыр, деп хабарлады облыстық дене шынықтыру және спорт басқармасының баспасөз қызметінен.
«Қарағандыда Н.Әбдіров атындағы спорт сарайында 25-30 шілде аралығында мүмкіндігі шектеулі жандар арасында тоғызқұмалақ бойынша ҚР чемпионаты өтіп жатыр. Жарысқа республиканың барлық облыстарынан, Астана және Алматы қалаларынан 16 команда қатысуда. Мұндағы 57 адамның барлығы - зағип және тірек-қозғалыс аппараттары бұзылған спортшылар», - делінген хабарламада.
Жарыс жеке біріншілік аясында өтуде. Чемпионат нәтижесі бойынша Азия чемпионатына қатысу үшін Қазақстан құрамасы құрылатын болады.
