Қарағандыда өрт құрбандарына ескерткіш ашылды

ҚАРАҒАНДЫ. Желтоқсанның 2-сі. ҚазАқпарат /Валентина Елизарова/ - Қарағандыда сәрсенбі күні өрт құрбаны болған өрт сөндірушілерге ескерткіш ашылды.

Ескерткіш «Өрт сөндіру және апаттық-құтқару жұмыстары қызметі» мемлекеттік мекемесі үйінің жанында орнатылды. Ол облыс төтенше жағдайлар департаментінің және оның бөлімшелері қызметкерлерінің ерікті қайырымдылық қаражатына салынды. Облыстық төтенше жағдайлар департаменті баспасөз қызметінің деректері бойынша жалпы жиыны 2,5 млн. теңгенің басы құралған. Осы қорға мерт болған өрт сөндірушілердің туыстары да үлес қосты.