Қарағандыда полиция автокөлігі жол апатына түсті (ФОТО)
ҚАРАҒАНДЫ. ҚазАқпарат - 25 наурыз күні Қарағанды қаласында УАЗ полиция автокөлігі жол-көлік оқиғасына түсті, деп хабарлады «ҚазАқпарат тілшісі» оқиға орнынан.
Бұқар жырау және Қ.Сатбаев көшелерінің қиылысында полицейлер көлігі Тойота Авенсис автокөлігімен соқтығысып, нәтижесінде қызметтік көлік төңкеріліп қалды. «Жол-көлік оқиғасына қатысты сараптама тағайындалды, алдын ала қызметтік тексеру жүргізілуде. УАЗ автокөлігінің жүргізушісі бұл кезде қызмет бабымен жүрген», - деді Қарағанды облыстық ІІД баспасөз хатшысы Бақытжан Құдияров. Оның айтуынша, жол-көлік оқиғасынан зардап шеккендер жоқ. УАЗ-дың жүргізушісіне медициналық жәрдем көрсетілді. Тойота автокөлігін 38 жастағы әйел адам басқарған.
